Saturday, September 09, 2006

ಪ್ರೀತಿಯೊಂದಿಗೆ!!!!!

ನೀನಂದ್ರೆ ಇಷ್ಟ!!!!!


ನಿನಗೆ ಬರೆಯುವ ಪ್ರತಿ ಸಾಲು ಹೇಳೊದು ಅದೇ.




ಈ ಕೆಲವು ತಿಂಗಳು ಹೇಗೆ ಕಳೆದೆ ಅಂತಾ ಗೊತ್ತು...... ಇನ್ನು ಬರುವ ತಿಂಗಳುಗಳ, ದಿನಗಳ ಅಸಂಖ್ಯ ಕ್ಷಣಗಳನ್ನ ಹೇಗೆ ಕಳೀಲಿ ಅಂತ ಚಿಂತೆ!!



ದಿನ ಕಳೆದಂತೆ ನಿನ್ನ ಕಾಣುವ ಬಯಕೆ, ಮುದ್ದಿಸುವ ಹಂಬಲ, ಸುಮ್ಮನೆ ಜೊತೆಯಲ್ಲಿ ಇರುವ ಆಸೆ, ನಟ್ಟಿರುಳ ರಾತ್ರಿಯಲ್ಲಿ ಅಪ್ಪುಗೆಯ ಆಳದಲ್ಲಿ ಬಚ್ಚಿಡ ಬೇಕೆಂಬ ತವಕ....ಹೀಗೆ ಏನೆಲ್ಲ ಮನಸಿನಲ್ಲಿ ಬೆಳೀತಾನೆ ಇವೆ. ನಿಟ್ಟುಸಿರಾಗಿ ಮತ್ತೆ ಅಂದುಕೊತೇನೆ ಇನ್ನೆಷ್ಟು ದಿನ ಹೀಗೆ, ನಾಳೆ ನಿನ್ನೆಗಿಂತ ಬೇಗ ಬರ್ತದೆ ಅಂತ.



ಕೆಲವೊಮ್ಮೆ ಮನಸು ಎಷ್ಟೊ ದಿನಗಳ ಮುಂದಿನ ಘಳಿಗೆಯನ್ನ ನೆನೆಸಿ ಕಚಿಗುಳಿಯಾಗುತ್ತದೆ. ಈ ಕಾಯುವಿಕೆಯಲ್ಲೂ ಒಂದು ಸವಿ ಇದೆ ಅಲ್ವಾ.....



ನಿನ್ನ ಬೆಳಗು ನನ್ನಿಂದ.....ನನ್ನ ಬೆಳಗು ನಿನ್ನಿಂದ ಶುರು ಆಗುವ ರೀತಿ ಮನಸಿಗೆ ಅದೆಷ್ಟು ಖುಶಿ ಕೊಡತ್ತೆ ಗೊತ್ತಾ ಮೆತ್ತನೆಯ ಹಾಸಿಗೆಯ ನುಣುಪಿನಲ್ಲಿ ಸದಾ ನಿನ್ನದೊಂದು ಬಿಸಿ ಉಸಿರು ಬೆಚ್ಚನೆ ಮಲಗಿರುತ್ತದೆ...ತಬ್ಬಿ...ಮುದ್ದಿಸಿ....ಕಾಡಿಸಿ ನನ್ನ ಕನಸಿಗೊಂದು ಮುನ್ನುಡಿ ಹಾಕುತ್ತೇನೆ. ನಾಳಿನ ಬೆಳಗು ಮತ್ತೆ ನಿನದೆ.



ಮಾತು ಹೇಳಿದಷ್ಟು ಕಡಿಮೆ....ಕೇಳಿದಷ್ಟು ಕಡಿಮೆ....ಸುಮ್ಮನೆ ನಿನದೊಂದು ನಗು....ಮುನಿಸು...ಪ್ರೀತಿಯ ಮಾತು...ನಿನ್ನ ಮೆಚ್ಚಿನ 'ಟೈಟ್ ಹಗ್ಗು!' .. ಹುಹ್! ಪ್ರೀತಿ ಅಂದ್ರೆ ಇದೇನಾ???





ಬರಿ ನಿನ್ನೆಯ ನೆನಪಲ್ಲಿ ನಾಳೆಯ ಕನಸಲ್ಲಿ ಜೀವಿಸುತ್ತಿದ್ದ ನನಗೆ ..ಇಂದಿನ ಪ್ರೀತಿ ಹುಟ್ಟಿಸಿದವಳು ನೀನೇ ಅಲ್ವ.. ದಿನದ ಬೇಸರದಲ್ಲಿ ಮನಸು ಪಿಚ್ಚೆನಿಸಿದಾಗ ನಿನ್ನ ಮಾತಿನ ಆಳದಲ್ಲಿ ಕಳೆದು ಎಲ್ಲ ಮರೆಯುತ್ತೇನೆ....

ಮತ್ತೆ ಎರಡು ನೆನಪು ಹೆಗಲೇರುತ್ತವೆ..ಮೂರು ಹೊಸ ಕನಸಿನೊಂದಿಗೆ!!!!

ಯಾವಾಗಲೂ ಹೀಗೆ!!


ನಾಗ್ತಿ ಬರೆದಿರೊ ಹಾಡು ನೆನಪಿಗೆ ಬರತ್ತೆ....

ಬಾಳೆಂದರೆ ಪ್ರಣಯಾನುಭಾವ ಕವಿತೆ
ಆತ್ಮಾನುಸಂಧಾನ
ನೆನೆಪೆಂದರೆ ಮಳೆಬಿಲ್ಲ ಛಾಯೆ!!!!!!.....

3 Comments:

At 7:26 PM, Blogger bhadra said...

ಬಹಳ ಚಂದದ ಬರವಣಿಗೆ. ಮನದ ಭಾವನೆಗಳನ್ನು ಬಹಳ ಚೆನ್ನಾಗಿ ವ್ಯಕ್ತಪಡಿಸುತ್ತಿದ್ದೀರಿ.

ಒಳ್ಳೆಯದಾಗಲಿ

 
At 10:46 AM, Anonymous Anonymous said...

ಭಾವನೆಗಳು ತು೦ಬಿ ಬರ್ತಾ ಇದೆ. ತು೦ಬಾ ಚೆನ್ನಾಗಿ ಬರಿತೀರ...ಮು೦ದುವರೆಸಿ...

 
At 6:43 PM, Anonymous chaithra mn said...

beautiful ....

 

Post a Comment

<< Home